cabecera xii
cabecera xii
cabecera xii

BAICC RESIDENCIA ARTÍSTICA INTERNACIONAL DE CREACIÓN CINEMATOGRÁFICA

En 2017 puxéronse en marcha, impulsadas polo (S8) Mostra Internacional de Cinema Períferico de A Coruña, as primeiras Residencias Artísticas Internacionais de Creación Cinematográfica – BAICC, abindo un proceso de selección para participar nunha residencia artística de produción dunha peza de creación cinematográfica rodada en formato analóxico (35mm, 16 mm, 8mm ou super 8) en Toronto (Canadá); Un proxecto moi desexado polo (S8) que se víu materializado grazas ao apoio de Acción Cultural Española (AC/E) e o Liaison of Independent Filmmakers of Toronto (LIFT), reafirmando a forte aposta da Mostra pola formación e a creación artística en espazos alternativos.

LIFT é unha organización de prestixio internacional sen ánimo de lucro, fundada en 1981, dirixida por artistas e adicada a potenciar a excelencia na creación cinematográfica a través da formación, a facilitación de recursos técnicos e de produción e na difusión de creacións neses formatos.

As Residencias Artísticas Internacionais de Creación Cinematográfica – BAICC teñen como obxectivo continuar unha liña de traballo e investigación que procura a apertura de novos camiños para os creadores emerxentes, facilitando a creación de vías de intercambio cunha institución de relevancia internacional como o é a LIFT-Liaison of Independent Filmmakers of Toronto.

Tras unha exitosa primeira convocatoria con máis de 15 propostas recibidas, Relieves de Tono Mejuto foi o proxecto seleccionado a desenvolver durante cinco semanas no Liaison of Independent Filmmakers of Toronto. O resultado final puidose ver, en estrea mundial, durante a IX Mostra de Cinema Periférico (2018). A proposta presentada versaba ao redor da cidade e os seus ‘relieves’. Desde o pranteamiento de un rodaje y proyección cinematográfica estereoscópica en 16mm, se proponía un cine de observación, de pulso y ritmo. Un viaje alrededor de la vida del downtown de Toronto durante algunos días de invierno.

Propiedades de una esfera paralela de Valentina Alvarado foi o proxecto seleccionado para ser desenvolvido durante cinco semanas no LIFT (Canadá) na terceira convocatoria de BAICC. O resultado final foi proxectado, en estrea mundial, durante o (S8) XI Mostra Internacional de Cinema Periférico, que tivo lugar na Coruña do 27 de setembro ao 3 de outubro de 2020, fóra das datas habituais do festival que se moveron como consecuencia da irrupción da pandemia.

Frame Manoeuvres to Port de Bruno Delgado, do cal puidemos coñecer un adianto o pasado (S8) XII Mostra Internacional de Cinema Periférico, foi o proxecto finalista da IV Convocatoria de BAICC. Debido ás restricións derivadas da covid, o proxecto foi desenvolvido en setembro de 2021 e será estreado na XIII edición do (S8), que terá lugar na Coruña do 27 de maio ao 5 de xuño de 2022.

Na súa  V convocatoria, aberta en maio de 2021, BAICC seleccionou como finalista El sonido de las imágenes, un proxecto de Laura Moreno Bueno. Durante cinco semanas de febreiro e marzo de 2022, Moreno puido desenvolver no LIFT de Toronto o seu proxecto: unha performance cinematográfica en 16mm que utiliza micrófonos fotosensibles para traducir as imaxes a sons. O resultado do seu traballo poderá verse no (S8) XIII Mostra Internacional de Cinema Periférico: do 27 de maio ao 5 de xuño de 2022, xunto á presentación do traballo de Bruno Delgado. Dous proxectos de BAICC, correspondentes ás súas IV e V convocatoria, serán polo tanto presentados este ano en Estrea Mundial na décimo terceira edición do (S8). Celebración que incluirá tamén a apertura da súa VI convocatoria. Non o perdan.