A repercusión dos festivais na sociedade e na contorna é unha realidade. Toda acción que se leva a cabo xera un impacto inevitable no medio ambiente, na poboación e na economía. Ano tras ano, a conciencia no ámbito cultural respecto á sustentabilidade vai en aumento e vese reflectida na forma de facer os eventos. É por iso polo que cada vez se toman máis medidas para reducir a pegada que deixamos e nos concienciamos sobre os efectos das nosas actividades. Na Mesa Proxecta trataremos estas medidas que se están a levar a cabo, as dificultades que os festivais atopan para as poñer en práctica e como se avanza na súa consecución a medida que todos os implicados toman conciencia.

PARTICIPAN

• María Baqueiro, coordinadora do Pacto Cultura Sustentable de Galicia

• Luis Campos, director do Festival Sinsal

• Nerea Lores, codirectora do FICBUEU (Festival Internacional de Cinema de Bueu)

• Marcos Gallego, director da Mostra Mares da Fin do Mundo

• Ana Domínguez, codirectora do (S8) Mostra Internacional de Cinema Periférico