OBRADOIRO MADI PILLERA cineasta peruana asentada en Canadá, Madi Piller, leva dende fai dúas décadas “coas mans na masa” traballando de xeito directo e íntimo co material fílmico e explotando todas as súas calidades a través de distintos medios. Coa acción directa sobre a tira de película, deu forma a multitude de traballos (dende películas a performances): unha práctica que difundirá a través deste obradoiro que convida a xerar unha peza colectiva a modo de filme performance.Neste obradoiro, botaremos man de materiais fílmicos usados (en 35mm e 16mm), atopados ou caducados, que serán manipulados con materiais químicos e orgánicos, pintando, cortando ou rachando: todo vale cando se trata de facer cine sen cámara. O obradoiro tamén inclúe un apartado especial dedicado ao son, no que se aproveitará o son óptico dos proxectores de 16mm: toda imaxe contén un son, que tamén será manipulado de xeitos diversos. Coas obras resultantes en 16mm, e coas dixitalizacións do 35mm manipulado, construirase unha performance colectiva que será presentada publicamente o domingo 2 de maio ás 19.00 horas na Sala (S8) PALEXCO.
O obradoiro está dirixido a todas aquelas persoas interesadas na creación artística e fílmica ou que desexen incorporar o traballo con celuloide encontrado á súa práctica. Non é necesario contar con coñecementos previos nesta área.
XIZ Montealto – 31 de maio e 1 de xuño de 11.00 a 14.00 e de 16.00 a 20.00 horas.
Proxección obras resultantes do obradoiro: domingo 2 de maio ás 19.00 horas na Sala (S8) PALEXCO.