A Fundación Contemporánea presenta cada ano os resultados da súa consulta anual a un amplo panel de expertos que avalían os mellores proxectos culturais do estado. Durante o últimos cinco anos, o (S8) estivo sempre presente entre os proxectos culturais máis importantes de Galicia, chegando mesmo a encabezar a lista.
A semaña pasada a Fundación Contemporánea presentou os resultados da súa consulta correspondente ao recentemente finalizado 2021. Neste informe que presentou o Observatorio da Cultura participaron 358 profesionais da cultura, dos que un 44,7% traballan nunha organización cultural pública, un 39,9% nunha organización cultural privada e o 15,5% como profesionais independentes do sector.
Duplicando esforzos, na pasada edición o (S8) retomou o seu pulso presencial na cidade con invitados internacionais, sen deixar de destinar, por segundo ano consecutivo, parte do orzamento a crear novos contidos e actividades en soporte dixital, deseñados e gravados por profesionais cualificados que forman parte do propio equipo do festival, para distribuílos en aberto a través da nosa web e redes sociais a máis de 111 países, incrementando significativamente a nosa audiencia dixital (a case o dobre de países que na pasada edición).
Por todo este esforzo, máis que nunca, sentímonos orgullosas de formar parte de novo dos eventos culturais máis valorados de Galicia, compartindo ranking con festivais compañeiros como Cineuropa, o Festival de Cans, o Festival Sinsal, Resis ou Curtocircuíto.
De novo, a de 2021 foi unha edición difícil polo que nos alegra moito volver obter este recoñecemento a toda a dedicación que se envorca neste proxecto no labor das nosas compañeiras, a súa profesionalidade, capacidade de traballo, inventiva, creatividade, cooperación e xenerosidade extraordinaria.
Ademais de todas estas persoas que se deixaron a pel, a XII edición do (S8) non sería posible sen o apoio de institucións como o Concello de A Coruña, a Diputación de A Coruña, a Xunta de Galicia e o Instituto de la Cinematografía y de las Artes Audiovisuales (ICAA), o programa de Acción Cultural Española (AC/E) para la internacionalización de la Cultura Española (PICE), na súa modalidade de Visitantes, así como o apoo do Consorcio de Turismo e Congresos de A Coruña, da Fundación Luis Seoane e de empresas privadas como Cervezas Alhambra ou Gadis.
