![](https://s8cinema.com/wp-content/uploads/2023/10/AgnesHayden_LIFT_28Sep2023-1024x683.png)
Agnès Hayden, atual residente da VII edición das Residencias Artísticas Internacionais de Creación Cinematográfica – BAICC, xa está a desenvolver o seu proxecto ‘Latitude Mesh’ no Liaison of Independent Filmmakers of Toronto (LIFT) grazas á colaboración entre o (S8), Acción Cultural Española (AC/E) e o LIFT e ao co-financiamento de NextGenerationEU como parte do Plan de Recuperación Transformación e Resiliencia a través do Instituto de la Cinematografía y de las Artes Audiovisuales (ICAA) do noso proxecto eSe8_LAB.
‘Latitude Mesh’ céntrase nas emulsiones cinematográficas, as súas características e posibilidades, tendo como punto crave as emulsiones caseiras ou DIY. A propia emulsión engade unha textura e unhas características específicas de cada elemento que forman novas linguaxes e dialogan coa luz de formas inesperadas. Hayden investigará que tipo de sensibilidade pode conseguir, a través de diversos produtos químicos e xogos de luz. As propias imaxes construirán un mapa topográfico, asignando emulsións a distintas zonas de Toronto por latitude, trazando unha xeografía diarística e afectuosa da cidade.
O resultado da residencia estrearase na próxima edición do (S8) XV Mostra Internacional de Cinema Periférico, que se celebrará do 1 ao 9 de xuño de 2024 na Coruña.
![](https://s8cinema.com/wp-content/uploads/2023/10/IMG_7816-991x1024.jpg)
![](https://s8cinema.com/wp-content/uploads/2023/10/Copy-of-IMG_5393-1024x768.jpg)